. بسم من نجا موسى فى التابوت
و نجا يونس فى بطن الحوت
و نجا ابراهيم من اللهب و الموت
و نجا محمد بخيوط العنكبوت
, بسم الله الرحمن الرحيم .
كل شىء يقل اذا انقسم بين اثنين
الا الحب فإنه يزداد ,
بكل الحب نلتقى بكم
أعزائى طالبة و طالبات مدرسة ............
و يسعدنا ان نقدم لكم اذاعتنا المدرسية ليوم
............. الموافق .... / ........ / ............
و نبدئها بخير الكلام القرأن الكريم و الطالب ........
أعوذ بالله من الشيطان الرجيم
, بسم الله الرحمن الرحيم .
اذا زلزلت الارض زلزلها , و اخرجت الارض اثقالها
و قال الانسان مالها
يومئذا تحدث اخبارها , بأن ربك أوحى لها ,
يومئذ يصدر الناس اشتاتا ليرو اعمالهــــــــم
فمن يعمل مثقال ذرة خير يرا
و من يعمل مثقال ذرة الشر ير . صدق الله العظيم
. صدق الله العظيم
و بلغ رسوله الكريم
و نحن على ذلك من الشاهدين
و الا نقطف زهرة جميلة
من بستان النبوة مع الحديث الشريف و الطالب .....
عن أبي العباس عبد الله بْنِ عَبَّاسٍ
قَالَ كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ
يَوْمًا فَقَالَ:" يَا غُلاَمُ إِنِّي أُعَلِّمُكَ كَلِمَاتٍ
احْفَظْ اللَّهَ يَحْفَظْكَ , احْفَظْ اللَّهَ تَجِدْهُ تُجَاهَكَ ,
إِذَا سَأَلْتَ فَاسْأَلْ اللَّهَ , وَإِذَا اسْتَعَنْتَ فَاسْتَعِنْ بِاللَّهِ ,
وَاعْلَمْ أَنَّ الأمة
لَوْ اجْتَمَعَتْ عَلَى أَنْ يَنْفَعُوكَ بِشَيْءٍ
لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ ,
وَلَوْ اجْتَمَعُوا عَلَى أَنْ يَضُرُّوكَ بِشَيْءٍ ,
لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ ,
رُفِعَتْ الْأَقْلاَمُ وَجَفَّتْ الصُّحُفُ "
صدق رسول الله.ص
. قالو فى قديم الزمان
" اليوم الذى يمرّ من عمرك دون أن تتعلم فيه شيئاًً جديداً
, هو يوم ضائع من عمرك
فهيا بنا نتعلم شىء جديد
و نتعرف على معلومة جديدة و الطالب ......
طز .. ايوه طز ,, متفهمونيش غلط يا جماعه
هل تعلم معنى كلمة طز !
كلمة طز هى كلمة تركية و معناها الملح ...
و يحكى أن الحكومة العثمانية ,
كانت تفرض ضرائب على التجار العرب
في جميع البضائع الا الملح
فكان التجار العرب
إذا مروا من عند المفتشين العثمانين
يقولون لهم طـز !
أي , لا يوجد معنا إلا الملح
(والملح كما قلنا لم تكن عليه ضرائب ( ..
وشيئا فشيئا صار التجار العرب
يقولون كلمة طز للعثمانين بهدف السخرية منهم
وهكذا تطورت هذة الكلمة
حتى أصبحت تعني معنى سيئاً ..
بينما هي في الأصل ليست إلا بمعنى الملح
. قالو قديما : من لم يكن حكيماً فإنه لم يزل سقيماً
و قال سيدنا عيسى عليه السلام :
إن الحكمة هى نورُ كلّ قلب .
و الان مع الحكمة و الطالب ...........
حكمة اليوم هى
مجموعة من امثالنا الشعبيه عن الصداقة و الطالب ...
قالو عن الصداقه
عدوك يتمنالك الغلط و صحبك يبلع عشانك الزلط
و قالو
لو صحبك فى أزمة , امشى عشانه حافى و اخلع له الجزمة
و قالو
صحبك لو صح , ممكن يكون أحسن من ألف أخ
و قالو
لو صحبك انضرب قدامك , شمر ايداك و شد حزامك
و قالو
اللقمة ما تحلا ولا تطيب , الا بوجود الصاحب و الحبيب
. خلق الله لكل انسان موهبة ..
و عليك ان تبحث داخلك لتكتشف ما هى موهبتك ,,
و ثق انك موهوب
و نبدء فقرات المواهب اليوم مع اغنية
يانى يانى يانى
مش هعمل كده تانى
و لكن بكلمات جديدة
مع الطالب ..........
يانى يانى يانى مش هعمل كده تانى
يانى يانى يانى هحقق الامانى
مش أزعل حد منى
هصالح اللى خصمنى
هبعد عن اصحاب السوء
هبطل اتكلم عن العيوب
مش هقول الفاظ غلط
هكبر و ابطل عبط
يانى يانى يانى مش هعمل كده تانى
يانى يانى يانى هحقق الامانى
هذاكر كل دروسى
و هحوش من مصروفى
هصلى و احفظ قرأن
و هالعب رياضه كمان
مش هرمى زباله على الارض
مش ممكن أضر حد
يانى يانى يانى مش هعمل كده تانى
يانى يانى يانى هحقق الامانى
هطيع ابويا و امى
و ادعى يرضو عنى
لو حصل ايه , لا يمكن
أزعلهم تانى منى
هساعد ماما فى البيت
و هخلى بابا سعيد
و يانى يانى يانى مش هعمل كده تانى
يانى يانى يانى هحقق الامانى
هسمع كلام المدرسين و هعمل اللى يقوله
و أكتر حبتين
هذاكر كل المواد حتى مادة الدين
من النهاردة انا هبئا مالمتفوقين
و يانى يانى يانى " توجيه الميكرفون للطلاب
مش هعمل كده تانى "
و يانى يانى يانى " توجيه الميكرفون للطلاب
مش هعمل كده تانى "
لا زلنا مع فقرات المواهب و شعر فى حب مصر
و الطالب .................
. بحب البلد دي وبعشق ترابها
قويه وعفيّه في لحظه غضبها
ولو حد فكّر يخطّي عتبها
تصبح نهايته قتيل تحت نابها
. بحب البلد دي وبعشق هواها
سكوتها وكلامها ولحظه غناها
نهارها وليلها وزرقه سماها
وحالف لاصونها وقلبي نواها
. بحب البلد دي بلد الغلابه
واجمل مافيهم عليهم طيابه
وشوشهم بتضحك
عيونهم بريئه
لكن وقت عوزه بيبقوا ديابه
أصولهم فراعنه ..أصولهم حديد
شموخهم في خوفوا..حجرهم رشيد
وخيرهم في نيلهم لو خدت منّه..
عطاؤه يزيد
. بحب البلد دي بكل اللغات
لاوندي.. وهندي وحتي السكات
ونفسي ابني مجد جديد لدى البلاد
وكفايه أحكيْ عن الذكريات
. بحب البلد دي بكل اللي فيها
ساعات أشتكيلها
وساعات اشتكيها
ماهي امي اللي ياما حاوطِت عليّا
وبِنتي اللي لازم أحافظ عليها
. بحب البلد دي وارفعلها العلم
برغم جروحها ولا يوم شكيت ألم
وبدعي ربّها دايما يارب.. ياحكم
يموت الظلم فيها
ويعيش اللي اتظلم
قال تعالى " ادعونى أستجب لكم "
و مع فقرة الدعاء و الطالب .........
. نرجو من السادة الحضور ان يأمنو على الدعاء
اللهم نور طريقنا بالبركات
و اكفينا يارب من شر الحفر و المطبات
اللهم أبعد عنا الاشرار
و ارزقنا فى كل خطوة دولار
اللهم اجعل كل اعمالنا حسنات
و اكفينا يارب شر الامتحانات
اللهم كن ديما لنا فى العون
و اكفينا يارب من شر فاتورة التليفون
اللهم اهدى الجيل الجديد
و احفظنا يارب من حرائق السكة الحديد
اللهم اهدى المسئولين الظالمة ولاد الايه
اللهم ارفع من قيمة الجنيه
اللهم أجعل صحتنا زى الحديد
و اهلك يارب اليهود ولاد التيت
اللهم قنا شر الكليبات
و هيافة الصحف و المجلات
اللهم أغثنا من كل عميل
و قوى يارب شبكة موبنيل
اللهم رخص اسعار دقايق المحمول
و خليها يارب ببلاش على طول
اللهم وفق نادى الزمالك فى الدورى
بس فى الاخر يارب اللى يكسب هو الاهلى
يارب ولادنا يشوفو منتخب مصر فى كاس العالم للكبار
اللهم اشفى ابو تريكة و يرجع يلعب زى الاعصار
اللهم ارزق كل شاب بوظيفة و شقة و عربية
و ارزق كل بنت بعريس مريش هدية
اللهم احرق شركة زيرو تسعميه
اللهم املاء جيوبنا بالنقدية
اللهم نجحنا بتفوق فى الاعدادية
و الان وصلنا الى اخر فقرات اذعتنا اليوم
و هى فقرة التكريم
اليوم سوف نكرم من يستحق التكريم بجد
و يستحق أكثر من التكريم
سوف نكرم من اجتهد و تعب
و استطع ان يحقق هدفه
نعم هديتنا رمزيه , لكن لا توجد هدية فى الدنيا
تساوى ما حققه
يسعدنا و يشرفنا ان نكرم ,
العشرة الاوائل على المدرسة
فى نتيجة الترم الاول او امتحانات الشهر
بكل الحب التقينا بكم اعزائى طالبة و طالبات
مدرسة .........
و بكل الحب نودعكم على وعد باللقاء ان شاء الله
كان معاكم فى التقديم الطالبه ...............
نترككم فى حفظ الله مع تحيات أسرة مادة ........
ليست هناك تعليقات:
إرسال تعليق