يلا نضحك 1

***

واحد بلديتنا خلع العمة فقد الذاكرة

***

مرة واحد سكران بيوقف تاكسي فسأله: فاضي ياسطة 

فقال له الأسطة: ايوة فاضي 

فقال له السكران طيب ماتيجي تقعد معايا شوية 

***

مرة واحدة قالت لجوزها "إهدى يا حبيبى كده وارجع زى زمان"

، الراجل طلقها و رجع لأيام العزوبية

***

مدرس رياضيات اتجوز مدرسة رياضيات 

خلفوا ولد شبه منحرف وبنت دايره على حل شعرها

***

واحده وحشة بتقول لجوزها بكره عيد ميلادى .

قالها نقف دقيقتين حداد

***

مرة دكتور دخل عنبر فى سراية المجانين

لقى واحد بيخبط دماغة فى الحيطة سأل الممرضة ماله ده ؟ 

قالت أصله كان بيحب واحدة ومتجوزهاش 

دخل العنبر الى بعده لقى واحد بيضرب نفسة بالشبشب

قالها وده ماله قالتله أصل ده اللي اتجوزها

***

واحد فلاح أشترى تلفزيون جديد أول ما شغله طلعله عالم الحيوان

قال لأبنه روح يا ولا شيل الأريال من الزريبة

***

السعودية إ تبرعت للصومال بشحنة أدويه ، 

فرجعتلها تانى ليه؟؟؟؟؟ عشان كلها بعد الاكل 

***

في واحد دلوووع اوي اتجوز وحده دلوعه اوي

خلفو ولد سموه ياااااااااااااااااااااااااي 

***

مرة واحد مسطول قال لواحد مسطول تانى هو العمود ده منور 

قاله معرفش أصلى مش من المنطقة

***

اتنين مساطيل راكبين سيارة صدمواواحد..

فالسائق بيقول للى جنبة:انزل شوفو..مات ولا لسة..؟؟

نزل المسطول التانى وقال:تعال يمين شوية..

ايووه..شمال شوية..بس..اطلع قدام...اوكى..

كده مات 

***

واحد مسطووووووول أتصل على الإذاعة 

قال: أحب ان أهدي الأغنية الجاية للخطيبة الغالية

بمناسبة المولود الجديد 

***

مره واحد ركب اوتوبيس شاف واحده قاعده راح بصلها فبصتله ,

ضحكلها ضحكتلو غمزلها غمزتلو 

راح شاورلها على المحطه , فنزلت ....راح قعد مكانها

***

مره واحد بلديتنا جاب عربيه اوتوماتيك

راح قاطع رجله الشمال

***

واحد كان بيدور على مطعم نظيف، 

لقى محل مكتوب عليه (حاربنا الدبان) 

فراح داخل وأول ما جه الأكل الدبان اتلم عليه 

فقال للجرسون: بتقولو حاربنا الدبان ليه 

وطلع كل الدبان ده منين 

الجرسون: احنا حاربنا الدبان بس هو فاز علينا

***

فى بلد كلها أغبية فى نهاية هذه البلد حفره كبيرة 

كل ما واحد يعدى يقع فى هذه الحفره

فقالوا لازم نجيب حد ذكى يحل المشكلة دى ...... 

جابو أذكى ثلاثة فى البلد

الأول قال: أحنا نقف هنا واللى يقع نطلعه ونوديه المستشفى

الثانى قال له أنتى غبى مأحنا نجيب الإسعاف تقف هنا

واللى يقع تخده هى وتوديه المستشفى .......

فقال الثالث أما أنتو بلد أغبيه صحيح

مأحنا نردم الحفره دى ونحفر وحده عند المستشفى علطول 

***

محشش اتصل بخطوط الطيران يحجز تذكرة ،

قاله الموظف: ذهاب واياب ؟؟؟؟ قال له : لا خروج المغلوب

***

اتنين اصحاب قاعدين ع القهوة 

ف واحد بيقول للتاني:اقولك على سر؟

التاني قاله قول سرك ف بير

الأول قاله:انا مزنوق ف عشرة جنية 

التاني دور وشه الناحية التانية وقال:ولا كأني سمعت حاجة

***

نبويه بتنادي بأعلى صوتها من البلكونه على جارتها

: الحقوني حماتي عوزه تنتحر وترمي نفسها من الشباك ! 

قالت احدي جاراتها: وانتي مالك يا نبويه 

قالت: الشباك ما بينفتحش

***

واحد حب يجامل ويدلع زوجته قال لها: انتي حمامه

قالت: لا أنا غزاله

قالها: المهم حيوانه

***

محشش سألوه ليش سمو قناة السويس بهذا الأسم؟؟؟

قال: لأن السفن تمشي بسويس بسويس 

***

واحد بيقول لصاحبه: انتهت على ايه الخناقة بينك وبين مراتك امبارح؟؟

رد : هه ....دى جت لغاية عندى وركعت قدامى !!

قال له يا سلام وقالت لك ايه ؟

قالت لى: اطلع من تحت السرير يا جبان

  - بخيل اخذ ابنه الى السوبر ماركت،

اخذ الولد بسكوت وشوكلاته قال يابابا بحبه 

قال الاب بوسه ورجعه

------------------

   8- مرة واحد بيحلم كل يوم بماتشات كتاكيت... راح للدكتور... فقاله هديلك

حقنة دلوقتي ومش هاتحلم بيهم تاني خالص... قاله 

خليها بكرة يا دكتور علشان النهاردة ماتش النهائي 

------------------

. مرة حرامى دخل على واحد مسطول البيت 

قالو هات فلوسك و الا هقتل مراتك قام الرجل 

قعد يضححححك...الحرامى قتل مراته 

وقاله هات الفلوس قبل ماقتل ابنك الرجل قعد يضححححك....

الحرامى قتل ابنه و هكذا لغايه لما خلص عالعيله

و بيقول للمسطول ايه يا عم مش عايز تدينى فلوسك ليه؟؟؟؟

قاله اطلع من دول يا ابرهيم يا نصر

------------------

. مساطيل ركبوا أتوبيس بدورين 

اللي فوق سال اللي تحت انتوا ماشيين بسرعة كام

------------------

. واحد بيسأل خطيبته : حد قبلي لمس يدك ؟ 

سكتت قالها : زعلتي

قالت لاء : بأعدهم 

------------------

. مرة اتنين صعايدة كان معاهم معزة فراحوا يركبوا القطر 

فا كمسرى القطر قالهم ممنوع 

الحيوانات تخش القطر واحد من الاتنين الصعايدة

قال نربوطها ورا القطر ربطوها وركبوا ومشى القطر

فابعد ما وصلوا لقوا المعزة مبتتحركش فواحد من الاتنين 

قال ايوة كشرى كشرى ده انتى راكبة ببلاش

---------------------------------------------

محشش يقول قصه لبنته علشان تنام شوفوا قال ايه ؟؟

--------------------------------------------

مره تيس شاف عصفور فقال الأسد هاتوا لي لأرنب

فوقعت البقرة من فوق العمارة ولاقت الأم ابنها فرجع

الشرطي من القسم وطلقها حبيبها وقال أنتي طالق طالق

طالق طالع وشه فى المرايه فعمل حادثه وجاله

شلل فغرق بالبحر ونامت الشمس الشموسه بين الصخر وقال النسر لازم

نتعاون وصادوا الحوت وخلص البصل وقال لها أنا أحبك

ويوم سافر للدراسة ضاع دفتر الدرجات و قالت الزوجة

أنا بأروح بيت أهلي وألعب ضد طلائع الجيش ونام الفيل

وسبحنا في نهر النيل ورحنا للأدغال وقابلنا طرزان

وبعدين يوم قال بسبس يومها عرفت ليه الكلب

يقول ميو ميو ورحنا القمر و غطسنا في البحر

ووقعت الطيارة في البيت وغلى الشاي و القهوة

وجم المعازيم وبنينا الأهرامات وغنينا واستمتعنا

ومات الوالد واحترقت الأم وانفجر البيبسي في الثلاجة

وضحك الولد إلى الليل واخترع سالم القطار ومات الأشرار

وأنتي نمتيى وانا بكلمك مش كده عيب بردو ...

اصحى ياااااااااااااا بت

=================================================

مرة 3 أطفال راحوا محل لعب واحد بيقول للراجل: عمو عمو عايز بلونة.

الراجل جاب السلم وطلع جاب له بلونة ونزل

فسأل التاني: وانت عايز ايه؟ .قال له بلونة .. 

قال له ماقلتش ليه وانا فوق!! المهم طلع جابهاله 

وهو فوق سأل الولد 

التالت: وانت كمان عايز بلونة؟؟؟

قال له لأ... فنزل الراجل وقال له : امال عايز ايه؟. 

قاله عايز بلونتين
_______________

واحد كسلان اتحكم عليه بالإعدام بدفنه في حفره 

فقالوا له نفسك في أيه قبل الموت

قال نفسي أشرب قالوا له قوم أشرب 

قال لسه حقوم اردم ياجدع
______________

واحد يهودي قام من النوم الصبح وطلب من مراته تحضر الفطار،

فقالتله عايز تفطر إيه يا أبو كوهين، قالها هما بيضتين 

مسلوقين، واحد ليكي والتانية ليا،

وإعمليهم لغاية ما أطلع على السطوح أظبط الإيريال....

وإوعي تنسي هما بيضتين ، المهم 

طلع على السطوح إتزحلق ،

وقع من عاشر دور، وهو بيقع زعق بعلو صوته 

" بيضة واحدة بس يا أم كوهيييييييييييييين "
___________________

واحد نازل من بيتهم شعره منكوش 

صاحبة بيقولولة شعرك منكوش قالهم "منكوش" دعوه
_________________

بيقولوا لجحا ... الحق يا جحا تعبان دخل غرفة مراتك ...

فقال لهم : سيبوه يستاهل
______________________

بطة راحت لبقال قالت له عندك سكر ؟؟ قال لها لا..

راحت له تاني يوم قالت له عندك سكر؟؟

قال لها لأ ، وعارفه لو جتيني 

تاني حدق رجليكي المفلطحه في الأرض... 

راحت له تاني وقالت له عندك مسامير؟؟ 

قال لها لأ .. قالت له طب عندك سكر
___________________

مرة واحد احول بعد 30 سنه اكتشف انه بصرف على بيت الجيران
___________________

مره واحد عاوز يفسح عروسته في شهر العسل فسحها في منحل
___________________

اتنين متجوزين كل ما يخرجوا فى حته 

مراته تقول له عايزة اروح جنينة الحيوان عند جبالية القرود....

و كل يوم تروح عند الجبلاية و تفضل تأكل القرود .... 

لغاية يوم الولادة دخلت تولد 

و لما الممرضة خرجت سألها الاب اية ولد ولاّ بينت ؟؟

فقالت له الحقيقة يافندم ملحقناش نعرف ... 

اول ما المولود نزل نط من الشباك

_________________________